still alive

Hallo mitenand
mir goht immerno guet, di letschte paar taeg sind wie im flug vergange. nachdem ich mis surfboard vor s paar wuche ufe sandbank gsetzt ha und debii e Finne zu bruch gange isch hani fuer es paar taeg moese vom surfe pausiere und han die ziit au grad sinnvoll i bildig investiert und ha mis advanced im Tauche abgschlosse, Do z Byron hets e wunderschoeni underwasserwelt, ha ganz vil fisch i allne Farbe gseh, Hai, stachelroche, farbigi koralle und schildchrote:) usserdem hani en provessionelle Massagekurs bsuecht, was au ganz nett gsi isch willme dadebii e 4stuendigi ganzkoerpermassage uebercho het zum es gfuehl defuer uebercho*biggrins*;D letschts wucheend bini gsi go skydive (sorry Mami):) und is Dreamworld, en riesige Funpark wie de Europapark mit Irrevil Bahnene. jetz isch mis board gottseidank wider gflickt und uebermorn gangi mit s paar kollege uf surfers paradise und denn wiiter uf seventeenseventy (das nescht gheisst wuerkli so) go surfe. denn i 2 wuche bini au fertig mit de schuel und ich cha entli go reise, wohrschinli zerst richtig suede abe will dete d welle und s wetter besser sind. Byron werdi sicher vermisse, die crazy luut genauso wie die vile barbecue am strand. sorry weni amigs chli lang bruuche zum zrugschriibe aber s Internet do isch chli muehsam. hoffe eu allne gohts guet liebi gruessli stefan